Փաստեր մանդարինի մասին

Մանդարինի բույրով Նոր տարին է գալիս :) 

Իսկ գիտե՞ք, որ 

• Մանդարինի հայրենիքը հարավային Չինաստանն է: Այն Եվրոպա է բերվել XIX դարի սկզբներին:
• Իսպաներեն mandarin բառը ծագում է պորտուգալերեն mandarim բառից (նշանակում է չինացի չինովնիկ), որն էլ իր հերթին գալիս է սանսկրիտի mantrin բառից, որը նշանակում է խորհրդատու:
• Առասպելներից մեկի համաձայն մանդարինի անվանումը ծագել է չինացի չինովնիկների՝ մանդարինների անունից, որոնք այդ մրգերն էին աճեցնում իրենց այգիներում: Մեկ այլ վարկածի համաձայն անվանումը փոխանցվել է չինացի չինովնիկների վառ նարնջագույն հագուստների գույնից: 
  
• Այս միրգը պարունակում է ածխաջրեր, օրգանական թթուներ, վիտամիններ, ֆիտոնցիդներ, եթերայուղեր, պիգմենտներ, այդ թվում՝ կարոտինոիդներ:
• Ուշադրություն. մանդարինը լավացնում է ախորժակը, բարելավում է նյութափոխանակությունը, ձմռանն օրգանիզմին ապահովում է վիտամիններով:
• Մանդարինը հարուստ է հատկապես վիտամին C-ով:
• Ֆիտոնցիդների պարունակության շնորհիվ այս մրգերն օժտված են նաև հակամանրէային հատկությամբ: 
• Ավանդական բժշկության մեջ մանդարինի կեղևն օգտագործվում է թուրմերի և թեյերի պատրաստման համար:
• Մանդարինի կեղևից պատրաստված թուրմը բնական ջերմիջեցնող է:
  
  
• Եթերայուղերի պարունակության շնորհիվ այն օգտագործվում է կոսմետիկայի արտադրությունում:
• Մանդարինը ոչ միայն միրգ է, այլև գեղեցիկ բադիկ`  Aix galericulata: 

  

  Մանդարինկա՝ Aix galericulata